2021 оны 4-р сарын 1-р арав хоногийн хөдөө аж ахуйн цаг уурын тойм бичвэр

2021 оны 4-р сарын 1 дүгээр арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2021-04-11                                                                                                                           Есөнбулаг сум

10 хоногийн тойм бичвэр: Говь-Алтай аймгийн нутгаар 2021 оны 4-р сарын нэгдүгээр арав хоногийн байдлаар агаарын дундаж температур Хүйс, Шарга, Халиун, Бигэрийн говь хоолой, Алтайн өвөр говиор 5.6-7.7 градус дулаан, бусад нутгаар -1.9 градус хүйтнээс 4.6 градус дулаан байлаа. Агаарын хамгийн их температур Шаргад 20, Тооройд 18, Бигэрт 17, Алтай, Дарив, Жаргаланд 16, Хөхморьт, Тайшир, Төгрөг, Халиунд 15, Гуулин, Дэлгэрт 13 градус дулаан, бусад сумуудад 9-12 градус дулаан байлаа.

Агаарын хамгийн бага температур Цогтод -14, Дарив, Тонхил, Бугат, Цээлд -12, Дэлгэр, Тайшир, Есөнбулагт -11, Гуулин, Жаргаланд -10, Чандмань, Халиун, Баян-Уулд -9, бусад сумуудад -5-10 градус хүйтэн байлаа.

Хөрсний гадаргын дундаж температур Хүйс, Шарга, Бигэрийн говь хоолой, Алтайн өвөр говиор 10-13 градус дулаан, бусад нутгаар 2-9 градус дулаан байлаа. Хөрсний гадаргын хамгийн их температур Тооройд 44,  Алтай, Бигэрт 42, Шаргад 39, Баян-Уул, Гуулинд 38, Тонхилд 37, Бугат, Цээлд 36, Даривт 35, Төгрөг, Хөхморьтод 32 градус дулаан байсан бол хөрсний гадаргын хамгийн бага температур Бугатад -15, Хөхморьт, Гуулин, Цогтод -14, Жаргалан, Тонхил, Цээлд -13, Баян-Уул, Тайширт -12, бусад сумуудад -8-10 градус хүйтэн байлаа.

Хур тунадасны хувьд энэ арав хоногт ихэнх нутгийг хамарч хур тунадас орсон ба Баян-Уулд 3.0 мм, Даривт 0.6, Алтай, Жаргаланд 0.4 мм, Тонхилд 0.3 мм, Хөхморьтод 0.2 мм, Есөнбулаг, Бугат, Тайшир, Халиун, Цогт, Цээл, Чандманьд 0.0 мм хур тунадас орсон байна. Харин Тоорой, Гуулин тосгон, Дэлгэр, Төгрөг, Шарга, Бигэр сумуудад хур тунадас ороогүй байна.

Салхины хамгийн их хурд Шаргад 24 м/с, Бугат, Тонхилд 21 м/с, Есөнбулагт 20 м/с, бусад сумуудад 7-15 м/с хүрч цасан болон шороон шуурга шуурсан байна. Ихэнх нутгаар 10 м/с-ээс дээш салхитай өдрийн тоо 1-9 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Цасны мэдээ: 2021 оны 4-р сарын 10-ны байдлаар цасан бүрхүүл тогтсон, цасны нягт тодорхойлсон газар байхгүй байна.

Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /